[品味人間] 有時想食輕便dd, 就會食下烏冬. "丸亀製麪" 在九龍灣開左分店，地點幾方便，mtr 附近。不過佢d 服務就真係唔係好有日本應有之水準，運作幾混亂，禮貌亦一般。好彩食物搭夠！
次次都會食明太子溫泉蛋拌烏冬！紫菜又香又脆，溫泉蛋整得好靚，明太子貨色亦中上，色澤好ok！烏冬好煙un, 掛湯一流！個汁係鹹鹹地嘅，落三分一或四分—個碗仔份量已好夠。
佢有十款八款炸物，魷魚，魚餅，蝦餅及獅子狗都係高質素的。不過個炸雞就不建議試，好硬，無乜肉汁。
通常一個二人家庭喺度dinner, 大概 hkd 120 左右，係包埋飲品呢！而家咩都貴，呢個價，算係咁啦！